Manastir

 Lajme nga vendi

Gruevski dhe Ahmeti konfirmuan koalicionin qeveritar



Marrëveshjen për koalicionin qeverisës sonte e konfirmoi Këshilli i përgjithshëm i BDI-së dhe Komiteti ekzekutiv i VMRO-DPMME.
Zyrtare! BDI është partnerja zyrtare e VMRO-DPMNE në qeverinë e re. Këshilli i përgjithshëm i BDI-së dhe Komiteti Ekzekutiv i VMRO-DPMNE në mbrëmje konfirmuan marrëveshjen e arritur mes liderëve Gruevski e Ahmeti për qeverinë e re. Detajet nuk janë zbardhur ende por siç mësohet nga burimet partiake, me marrëveshjen për koalicion, BDI në qeverinë e re do të ketë 5 ministri, dhe një post zv/kryeministër. Kuadrot e BDI-së do të drejtojnë ministrinë e Ekonomisë, Shëndetësisë, atë të punëve dhe çështjeve sociale, ministrinë e Pushtetit vendor, dhe atë të ambientit jetësor. Zv/kryeministri do të ketë si obligim, zbatimin e marrëveshjes së Ohrit,. Partia e Ahmetit, do të ketë edhe 3 zv/ministra, atë të punëve të brendshme, të financave dhe të arsimit. Për BDI-në është rezervuar edhe një post, nënkryetar i kuvendit. Pas komitetit ekzekutiv të VMRO-DPMNE, lideri partiak dhe mandatari Gruevski nuk ka dhënë deklaratë, por detajet do të bëhet në të ditur më vonë. Gjithsesi burimet nga kjo parti, thanë se vendimi për përfshirjen e BDI-së në koalicionin qeveritar, është miratuar unanimisht në VMRO-DPMNE. Kështu kryesor mes partive ishte njohja dhe pranimi i programit qeveritar i cili do të zbatohet në 4 vitet e ardhshme. Po ashtu edhe BDI pritet të bëj të ditur detajet e marrëveshjes, si dhe vendimet e marra nga lidershipi dhe organet partiake. Kështu, në qeveri do të marrë pjesë vetëm një nga partitë politike shqiptare. Sipas burimeve tona që një ditë më parë, mandatari Gruevski, në raundin e tretë të bisedimeve, i bëri të ditur kreut të PDSH-së Menduh Thaçi, se partia e tij nuk do të jetë pjesë e kabinetit të ri.Gazeta lajm



Bisedime për Qeverinë e re
Takime të reja me liderët e BDI-së, PDSH-së dhe PAE-së, duhet të mbajë sot mandatori për formimin e qeverisë së ardhshme dhe lider i VMRO-DPMNE-së.

Takimet e ndara, që u mbajtën edhe të mërkurën, janë vazhdimësi e bisedimeve të javës së kaluar, të cilat u përqendruan në harmonizimin e platformave për bashkëpunim eventual të koalicionit.

Në negociatat me mandatorin Nikolla Gruevski janë përfshirë liderët e BDI-së Ali Ahmeti, PDSH-së Menduh Thaçi dhe PAE-së Fiat Canovski.

Sipas paralajmërimeve paraprake, Kabineti i ri qeveritar do të jetë i njohur më së voni deri nga mesi i korrikut dhe në të do të participojë së paku njëra prej partive politike shqiptare. /Makfaks/

DiKarlo takon Thaçin
dhe Ahmetin për Qeverinë

Edhe BDI edhe PDSH bëjnë lista për ministra

Gazeta LAJM Në pritje të vendimit përfundimtarë të Gruevskit se cilën parti shqiptare do të ftojë në koalicionin qeverisës, dy partitë më të mëdha shqiptare Bashkimi Demokratik për Integrim (BDI) dhe Partia Demokratike Shqiptare (PDSH), paralelisht kanë filluar të piketojnë postet ministrore dhe të përgatisin listat e kandidatëve më serioz për ministra. Kryeministri dhe lideri i VMRO-DPMNE-së Nikolla Gruevski edhe zyrtarisht nga Brukseli paralajmëroi se do të fillojë bisedimet me të dyja partitë shqiptare edhe BDI-në edhe PDSH-në. “Pas kthimit tim në Maqedoni do t’i fillojmë bisedimet me të dy partitë politike shqiptare sa i takon koalicionimit”, porositi nga Brukseli Nikolla Gruevski. Kryetari i BDI-së Ali Ahmeti nga ana tjetër në një intervistë për të përditshmen shqiptare “Korrieri” ka deklaruar se partia e tij është e gatshme ta marrë përsipër përgjegjësinë për t’u bërë pjesë e Qeverisë se re të Maqedonisë. “Do të shohim, do t’i analizojmë gjërat me urtësi, me gjakftohtësi dhe të zgjedhim opsionin më të mirë që t’i çojmë çështjet përpara. Ne do të ballafaqohemi dhe ballafaqohemi me situata shumë të rëndësishme, siç është përmbyllja dhe implementimi i plotë i Marrëveshjes së Ohrit, anëtarësimi i Maqedonisë në NATO, siç është fillimi i bisedimeve për në BE, zgjidhja e mosmarrëveshjeve me shtetet fqinje, Greqinë dhe njohjen e Republikës së Kosovës”, ka thënë Ahmeti. Burime partiake në BDI thonë se nëse bëhen pjesë e pushtetit ekzekutiv ish zëvendëskryeministri Musa Xhaferi është kandidati më serioz të udhëheqë me Ministrinë e Arsimit dhe Shkencës, për ku si kandidat i mundshëm përmendet edhe ish ministri Aziz Pollozhani. Teuta Arifi llogaritet si kandidate më serioze zëvendëskryeministre për Implementimin e Marrëveshjes së Ohrit, por përmendet edhe si kryetare e mundshme e Parlamentit. Blerim Bexheti do të marrë Ministrinë e Drejtësisë për shkak të besnikërisë së treguar ndaj BDI-së në kohën kur PPD-ja e prishi koalicionin. Sadulla Duraku mund të marrë post ministror për shkak të kompromisit që ka bërë për t’u tërhequr nga gara për deputet duke i lëshuar vendin Xhemal Jasharit. Talat Xhaferi pritet të jetë ministër ose zëvendësministër në Ministrinë e Mbrojtjes. Por, për këtë post nuk përjashtohet as sekretari i përgjithshëm i partisë, Gëzim Ostreni. Nëse PDSH-ja bëhet pjesë e qeverisë së re, burime pranë kësaj partie thonë se zëvendëskryeministër për implementimin e Marrëveshjes së Ohrit do të jetë Besim Dogani. Imer Aliu i cili ka udhëhequr me këtë post ka rënë nga kombinimi për shkak të deklaratës së tij se nuk do të bashkëpunojë me Gruevskin dhe akuzave ndaj kryeministrit se është proserb dhe prorus. Gjasa më të mëdha për të qenë ministër i Ekologjisë ka përsëri Xhelil Bajrami, me rezultatet e të cilit është i kënaqur kreu i partisë. Në rast se mbetet pjersë e Qeverisë kandidat më serioz i PDSH-së për ministër arsimi përmendet rektori aktual i USHT-së Sadi Bexheti, kurse ministri aktual Sulejman Rushiti do të kalonte në Ministrinë e Kulturës. Ruzhdi Matoshi ka pasur gjasa të mëdha për ministër të Bujqësisë mirëpo për shkak të disfatës së madhe që pësoi në zgjedhje shanset e tij për ministër janë zvogëluar. Nënkryetari i partisë Imer Selmani sipas të gjitha gjasave do të ruajë postin e ministrit të Shëndetësisë.

BDI në epërsi në rivotimin
BDI në rivotimin e djeshëm fitoi 38.642 vota, përderisa PDSH 32.133, në tri njësitë zgjedhore në të cilat rivotohej, lajmëroi mbrëmë KSHZ-ja. Pjesëmarrja e votuesve në rivotimin arrinte 48,90 për qind. 

 

• BDI paraprakisht shpalli fitore në rivotimin e zgjedhjeve parlamentare, duke lajmëruar për epërsi në të tri njësitë zgjedhore, ku rivotohej. BDI-ja pret 18 vende parlamentare, përballë 10 vendeve të PDSH-së. PDSH lajmëroi se ka fituar 13 deputetë dhe akuzoi për një varg vjedhjesh zgjedhore, gjegjësisht për 35.000 vota të vjedhura nga BDI-ja. Koalicioni "Për Maqedoni më të mirë" i kryesuar nga VMRO-DPMNE në zgjedhjet e parakohshme parlamentare që u mbajtën më 1 qershor dhe në rivotimin e së dielës ka fituar 481.602 vota, Dielli - Koalicioni për Evropë 233.362 vota, BDI-ja 125.997, PDSH-ja 83.678, PAE 14.473 dhe PDP-ja 5.209 vota. Rivotimi i zgjedhjeve parlamentare në Maqedoni kaloi në atmosferë të qetë me prani të fuqishme policore. Policia arrestoi mbi dhjetëra persona lidhur me zgjedhjet dhe lajmëroi për disa incidente, por ato nuk ishin serioze, për dallim nga 1 qershori kur në vargun e incidenteve të rënda kishte një të vdekur dhe disa të plagosur. Rivotimi u mbajt në tri njësi zgjedhore, të parën, të dytën dhe të gjashtën, me gjithsej 161.874 votues të regjistruar. Kryesisht rivotohej në vende me popullatë dominante shqiptare. Bashkësia ndërkombëtare e porositi Maqedoninë se rivotimi është shansi i fundit për përmirësimin e përshtypjes nga dhuna e 1 qershorit, para rekomandimit eventual nga Bashkimi Evropian për fillimin e negociatave për anëtarësim, por edhe për hyrje në NATO

 

 

12.06.08
Takim Gruevski-Thaci per rivotimin
Kryeministri maqedonas, Nikolla Gruevski u takua sot në ambientet e kryeministrisë me liderin e Partisë Demokratike Shqiptare, Menduh Thaçi.
Gjatë bisedës u fol për rrjedhën aktuale të procesit zgjedhor si dhe për problemet dhe sfidat me të cilat ballafaqohet Republika e Maqedonisë gjatë këtij procesi.
Në takim u përsëritën angazhimet që dita e rivotimit të kalojë në një atmosferë korrekte dhe demokratike.
Kryeministri përsëriti angazhimin e tij që të gjithë qytetarët maqedonas të realizojnë të drejtën e tyre të zgjedhjes dhe të shprehin vullnetin e tyre të lirë në konstituimin demokratik të Parlamentit të Maqedonisë

12.06.08 
BE: Presim rivotime te qeta
Rivotimi më 15 qershor duhet të jetë i qetë, korrekt dhe demokratik, pasi kjo është një mundësi për Maqedoninë të tregojë se mund të ndalojë përsëritje të incidenteve serioze si më 1 qershor, theksohet në deklaratën e përbashkët të Zyrës së Komisionit Evropian dhe ambasadorëve të vendeve anëtare të BE-së në Maqedoni.
Apelojmë të gjithë të përfshirët në procesin zgjedhor, para se gjithash, institucionet qeveritare, liderët e partive politike dhe anëtarët e tyre që të përmbushin detyrat dhe të sigurojnë rivotim plotësisht të qetë dhe demokratik. Liderët e partive duhet në mënyrë publike të kërkojnë nga përkrahësit e tyre të qëndrojnë të përmbajtur ndaj provokimeve që mund ta rrezikojnë legjitimitetin e zgjedhjeve, theksojnë ambasadorët e BE-së.
Të gjithë ata që prishin procesin zgjedhor duhet të dënohen, pa marrë parasysh përkatësinë e tyre politike apo çfardo përkatësi tjetër, shtojnë ambasadorët.
Zyra e Komisionit Evropian dhe ambasadorët e vendeve anëtare të BE-së në Maqedoni përshëndetën vendimin e Komisionit Shtetëror Zgjedhor për rivotim në vendet ku ishin të regjistruara incidente zgjedhore dhe mxisin qytetarët që më 15 qershor të realizojnë të drejtën e tyre demokratike të votës


 

KSHZ anuloi zhgjedhjet në 193 vendvotime

Me 15 qershor në rivotime do dalin 170 mijë zgjedhës në gjithsej 193 vend votime nga tre njësive zgjedhore, 1, 2 dhe 6, preu Kosmioni shtetëro i zgjedhjeve 170 mijë votues në gjithsej 193 vend votime që i përkasin tre Njësive zgjedhore, 1, 2 dhe 6, më 15 qershor do të dalin sërish për të realizuar të drejtën e tyre të votës. Komisioni Shtetëror i Zgjedhjeve vendosi anulimin e votimeve për parregullsi, disa prej tyre me kërkesë të subjekteve politike. "Në njësinë zgjedhore numër 1 do të thotë 14 vendvotime, në njësinë zgjedhore numër 2, 29 vend votime dhe në njësinë zgjedhore numër 6 116 vend votime. Përveç këtyre 159 vendvotime që u anuluan në bazë të ankesave të koalicioneve dhe partive politike KSHZ-ja në bazë të nenit 151 të Kodit zgjedhorë ka anuluar edhe 34 vend votime dhe atë: në NJ.Z 1 12 vend votime, NJ.Z, 2 11 vend votime dhe në NJ.Z. 6 11 vend votime. Rreth 170 mijë është numri i votuesve. Do të rivotohet, vetëm në ato vendvotime, ky procesi do të ndikojë në rezultatin përfundimtar", tha Jovan Josifovski, kryetari i KSHZ-së. Josifovski njoftoi se të gjitha vendimet janë përgatitur dhe në afat sa më të shkurtër do tu dorëzohen parashtruesve të ankesave që në rast pakënaqësie të mund ti transferojnë tek gjykata supreme. Kjo e fundit është e obliguar që në afat prej 48 orësh të prononcohet nëse do ti pranojë apo do ti hedh poshtë ankesat e partive politike. /alsat-m/

Në qeveri, partia që fiton legjitimitetin

Në Maqedoni dy subjektet kryesore shqiptare BDI dhe PDSh thonë se nëse humbin në zgjedhjet e një qershorit, nuk do të pretendojnë të jenë pjesë e qeverisë.

Përfaqësus të dy partive Izet Mexhiti dhe Sulejman Rushiti këto deklarata i bënë gjatë programit të BBC-së "Forum" që do të transmetohet të mërkurën në emisionin tonë të mëngjesit.
Zoti Mexhiti është shefi i shtabit zgjedhor të BDI-së:
"Edhe unë edhe lideri ynë Ali Ahmeti ka deklaruar vazhdimisht se BDI nuk do të marrë pjesë në qeveri nëse nuk merr mandatin nga populli shqiptar,"- tha zoti Mexhiti.
Deklaratë të ngjashme bëri edhe Sulejman Rushiti, ministër i Arsimit në largim dhe kandidat për deputet i PDSh-së:
"Mendoj se këto zgjedhje do të jenë sqaruese dhe ne do të ecim përpara. Por nëse do të dalim humbës nuk do të pretendojmë të jemi pjesë e pushtetit," - thotë zoti Rushiti.
Kjo ëshë hera e parë që të dy subjektet kryesore politike shqiptare të thonë se nuk do të jenë pjesë e koalicionit të ri qeverisësë nëse nuk janë fitues.
Çështja e përfshirjes në qeveri të pative shqiptare ka qenë një nga temat më të diskutuara në qeverisjen e kaluar.
Në zgjedhjet e vitit 2006 udhëheqësi i VMRO DPMNE-së Nikolla Gruevski, në cilësinë e mandatarit ftoi në qeveri PDSh-në edhe pse ajo kishte më pak deputetë.
Kjo situatë shkaktoi krizë edhe në funksionimin e parlamentit për shkak të parimit të shumicës së dyfishtë.
Për disa ligje, që të miratohen, veç shumicës së përgjithshme nevoitet edhe shumica e votave të deputetëve jo maqedonas, të cilën shumicë e kontrollonte BDI.
Vështirësitë e funksionimit të ligjvënësit shtynë BDI-në që të kërkojë zgjedhje të parakohshme, kërkesë e cila u pranua nga mazhoranca e kaluar

22.05.2008
MOST: Të respektohen thirrjet për zgjedhje të lira dhe demokratike

Lëvizja qytetare MOST sot në mesin e fushatës zgjedhore
doli me raport për rrjedhën e deritanishme të fushatës.
Raporti është i realizuar në
bazë të 86 raporteve të zyrave rajonale të kësaj organizate.
Drejtori ekzekutiv i MOST-it, Darko Aleksov tha se partitë politike deri më tani kanë shkelur Kodin për zgjedhje të lira dhe demokratike.
“Lëvizja qytetar MOST konstaton se, sipas rrjedhës së deritanishme të fushatës parazgjedhore, Kodi i nënshkruar për zgjedhje fer dhe të lira, së paku deri më tani mund të definohet si “Mundemi, kurse nuk është patjetër” deklaroi Drejtori i lëvizjes MOST, Darko Aleksov.
Ai apeloi deri tek partitë politike që seriozishtë t’i marrin thirrjet për zgjedhje të lira dhe demokratike.

Kjo organizatë apelon deri tek partitë politike që t’i kuptojnë seriozishtë thirrjet për organizim të zgjedhjeve fer dhe të lira” deklaroi Aleksov
Most kërkoi që në interes të demokracisë, të qytetarëve të Maqedonisë, të përmbushjes së kërkesave të bashkësisë ndërkombëtare për zgjedhje të lira, të mos tolerohen, aktet e dhunës, por të sanskionohen të gjitha aktet e paligjshme në fushatë.
MOST gjatë vëzhgimit të fushatës parazgjedhore ka regjistruar të gjitha parregullsitë si sulmet ndaj shtabeve zgjedhore, fyerjet, frikësimet e popullatës dhe keqpërdorimin e fëmijëve.

Fuere e Millovanoviq takojnë Thaçin e Ahmetin

                                                                                                                                 
                      

                                                            Lajme nga Kosova

 

---

Sejdiu: Nuk do të ketë ndarje të Kosovës


Presidenti i Kosovës, Fatmir Sejdiu ka vlerësuar se ndarja e kompetencave në mes të UNMIK-ut dhe EULEX-it, pas letrës së sekretarit të përgjithshëm të Kombeve të Bashkuara, Ban Ki-Moon, nuk e çon Kosovën drejt ndarjes.

Në një intervistë dhënë për Radion “Deutsche Welle”, Sejdiu ndër të tjera ka thënë se tërësia territoriale e Kosovës është e garantuar me qëndrimin ndërkombëtar dhe vullnetin politik të popullit të Kosovës.

Ai ka thënë se procesi i negociatave për statusin e Kosovës ka përfunduar dhe ka shtuar se, Kosova gëzon përkrahje ndërkombëtare. Këtë përkrahje presidenti Sejdiu e sheh në njohjen e Kosovës si shtet sovran dhe të pavarur nga shtetet e ndryshme të botës – ndërsa sovraniteti, sipas tij, “nënkupton edhe tërësinë territoriale dhe pavarësinë”.

Sa u përket strukturave paralele, të krijuara nga serbët në Kosovë, presidenti Sejdiu ka thënë se ato struktura nuk do të kenë asnjë lloj ndikimi të veçantë dhe afatgjatë – përpos atij momental. Këto struktura, sipas tij, e mbajnë një pjesë të popullit serb në iluzione.

Sejdiu u ka bërë thirrje qytetarëve serbë të Kosovës që të integrohen në jetën e përditshme në Kosovë dhe t’i kthehen realitetit. Ai ka thënë se ata duhet të jenë pjesë e institucioneve të Kosovës dhe t’i realizojnë të drejtat e tyre qytetare dhe liritë sikur të gjitha bashkësitë të tjera në Kosovë.

Ndërkaq i pyetur për planin e presidentit serb, Boris Tadiq që në vjeshtë të kërkojë nga Gjyqi Ndërkombëtar - vlerësimin ligjor për pavarësinë e Kosovës, dhe nëse ky veprim mund të ndikojë në situatën në Kosovë, Sejdiu ka thënë se, kjo është një qasje e keqe e Serbisë, pra edhe e presidentit të saj.

Ai ka thënë se Kosova nuk është shkëputur nga një trup tjetër – duke theksuar se Kosova ka trupin e saj dhe i takon popullit dhe qytetarëve të saj./telegrafi/

15 Jun 2008
Feith- Gjërat në Kosovë tani më të qarta
Zoti Feith thotë se zoti Ban ka njohur realitetin në Kosovë
I dërguari special i BE-së për Kosovën, Peter Feith thotë se për Kosovën tani fillon një periudhë e re pas hyrjes në fuqi të kushtetutës.
Misioni për vendosje të rendit i njohur si EULEX sipas tij do të fillojë tani dislokimin dhe do të jetë tërësisht operues deri diku nga tetori.

 

• Por në kohën kur serbët vazhdojnë të mos njohin pavarësinë e kushtetuës dhe ku tani po flitet edhe për një parlament serb përkrah atij të Kosovës, a mund të flitet për një farë tronditje. BBC bisedoi me zotin Peter Feith dhe i kërkoi atij reagimin. Feith: Tronditje nuk është fjala e duhur. Mendoj se tani është një periudhe e re që po fillon për Kosovën.Sekretari i përgjithshëm i OKB ka njohur realitetin në terren dhe ka vendosur të rikonfigurojë praninë e OKB këtu dhe kjo do t'i japë qeverisë autoritet të plotë në gjithë kompetencat që ka. Kjo është e rëndësishme dhe ka rëndësi për vendin. BBC: Por a nuk është rasti atje që OKB do të vazhdojë të ushtrojë autoritet në zonat ku ka sasi të mëdha me serbë? Feith: Ju duhet të dini se administratës që ka qenë në Kosovë për 9 vjet po i afrohet fundi. Dhe OKB do të ndërmarrë vetëm një sasi të kufizuar detyrash që nga ky moment e më pas. BBC: Po dihet zoti Feith se ka patur shumë shqetësime të shprehura edhe para vënies në zbatim të kushtetutës se si do të funksionojë e gjithë kjo gjë, pasi dihet se jo çdo gjë ka përfunduar përsa i përket arranxhimeve? Feith: Është e vërtetë se sekretari i përgjithshëm i OKB-së ende ka për të dalë me udhëzime për përfaqësuesin e vet special këtu në Prishtinë, por mendoj se tani gjërat janë më të qarta. Në parim, kjo do të lejojë dislokimin e misionit të ligjit dhe rendit të BE-së në gjithë Kosovën, përkohesisht nën ombrellën e OKB dhe përfaqësuesi i veçantë ndërkombëtar, rol që unë kam nderim të kem tani, do të mbikqyrë veprimet e qeverisë në zbatimin e planit Ahtisaari. Kështu që mendoj se tani ka më shumë qartësi dhe nuk ka pse të ketë konfuzione. BBC: Tani është periudhë shumë e rëndësishme për udhëheqësit e Kosovës. Ku e shihni ju dhe kolegët tuaj rolin që mund të luani? Feith: Ne duam të ndihmojmë qeverinë në zbatimin e ligjeve që janë pranuar nga asambleja dhe që hynë në fuqi të Dielën dhe ato kanë kryesisht të bëjnë me komunitetet. Kështu që i takon qeverisë të punojë shumë për të fituar besimin e të gjitha minoriteteve, veçanërisht të minoritetit serb në veri dhe enklava. BBC: Po përsa i përket sundimit të rendit duke ditur se në krye ka njerëz të rinj që nuk kanë dhe aq përvojë. Ku e shihni ju rolin tuaj? Feith: Misioni për vendosje të rendit i njohur si EULEX do të fillojë tani dislokimin dhe do të jetë tërësisht operues deri diku nga tetori dhe ai do të ndihmojë qeverinë të ndërtojë një sistem juridik modern multietnik. Ky është një kontribut mjaft i rëndësishëm i BE-së në atë që BE i hap një perspektivë Kosovës si pjesë e Ballkanit perëndimor. Po përsa më përket mua, një fushë e rëndësishme është zhvillimi i ekonomisë, për të sjellë përsëri rritje të ekonomisë. Siç e dini papunësia është ende shumë e lartë, më shumë se 40% dhe kjo është shkak potencial për mungesë stabiliteti

  
  
  Daniel Fried uroi presidentin Sejdiu
  
  Ndihmëssekretari amerikan i Shtetit për Çështjet Evropiane dhe të Euroazisë, Daniel Fried i ka telefonuar të dielën presidentit të Republikës së Kosovës, dr. Fatmir Sejdiut, të cilit ia uroi hyrjen në fuqi të Kushtetutës së Republikës së Kosovës.
  Me këtë rast, Fried i premtoi presidentit Sejdiu ndihmën e Shteteve të Bashkuara të Amerikës për zhvillimin e Kosovës së pavarur, demokratike dhe prosperuese për të gjithë qytetarët e saj.
  

 

Kosova - temë e Kuvendit Parlamentar të NATO-së në Berlin

Në këtë konferencë e cila do zgjasë deri të martën e javës së ardhshme, do të trajtohet në vijim edhe e ardhmja e politikes se sigurisë dhe politikes mbrojtëse në Kosovë dhe Ballkan. Krahas cështjes së sigurisë është duke u trajtuar edhe tema rreth punimeve të Tribunalit të Hagës në raport me luftërat e zhvilluara si dhe krimet e bëra në ish Jugosllavi. Pritet që në seancën e së nesërmes Kosova ta zë vendin qendror, ndërkaq që do diskutohet edhe raporti politik dhe cështja e sigurisë dhe politikes mbrojtëse mes Rusisë dhe Bashkimit Evropian. Parlamentaret pjesëmarrës do t’i prese edhe kancalrja gjermane Angela Merkel, ndërkaq që do të referojnë edhe ministri gjerman i mbrojtjes Franc Josefjung, ministri i jashtëm gjerman Frank Walter Steinmeier dhe sekretari i përgjithshëm i NATOs Jaap de Hoop Shefer. Në takimin e nivelit të lartë të NATOs në Berlin po marrin pjesëë edhe parlamentarë të Shqipërisë, ndërkaq për herë të parë edhe parlamentare nga Kosova. Republika e Çekisë njohu Kosovën Ministria e Punëve të Jashtme të Çekisë ka bërë të ditur se Qeveria e këtij vendi ka njohur Kosovën si shtet të pavarur. Përmes një deklarate Ministria e Punëve të Jashtme të Çekisë ka bërë të ditur se është miratuar propozimi për vendosjen e marrëdhënieve diplomatike në nivel shtetëror me Kosovën. Deklarata shton se Republika e Çekisë beson se njohja e Kosovës do të ndihmojë në stabilizimin e rajonit. Republika e Çekisë është vend anëtar i Bashkimit Evropian dhe NATO-s. /telegrafi DiCarlo: Statusi i Kosovës është zgjidhur Lajm Statusi i Kosovës është i  zgjidhur dhe për atë nuk mund të ketë më negociata, por mund të bisedohet për marrëdhëniet ndërmjet Kosovës dhe Serbisë, deklaroi zëvendës-ndihmësja e Sekretares së Shtetit, Rosemary DiCarlo. Në një takim me një grup gazetarësh nga Serbia, DiCarlo tha se periudha pas 15 qershorit kur hyn në fuqi Kushtetuta e Kosovës është "ditë e rëndësishme", dhe se Shtetet e Bashkuara duan të shohin përparim në Kosovë, veçanërisht në fushën e decentralizimit dhe të mbrojtjes së pakicave. Lidhur me raportet e qeverisë së re të Serbisë ndaj Kosovës, DiCarlo tha se Kosova është e pavarur, dhe kjo është e pakthyeshme, ndërsa qëllimi tash është që të sigurohet mbrojtja e të gjithë banorëve të Kosovës dhe zhvillimi ekonomik, veçanërisht i serbëve. DiCarlo gjithashtu tha se zgjedhjet në Serbi treguan se shumica e qytetarëve duan ta shohin vendin në Bashkimin Evropian, dhe shfaqi shpresën se qeveria e ardhshme do ta ndjekë vullnetin e tyre. Carpenter: Nuk ka për çfarë të bisedohet... Ngjashëm me DiCarlon në një intervistë për “Zërin e Amerikës” ka deklaruar edhe Ted Galen Carpenter nga Instituti CATO në Washington. Ai ka thënë se qëndrimi i Washingtonit dhe i vendeve kryesore të Bashkimit Evropian është se statusi i Kosovës është zgjidhur dhe se Kosova tani është e pavarur. Carpanter, nënpresident për çështjet e mbrojtjes dhe të politikës së jashtme në Institutin CATO, duke u përgjigjur rreth nismës së Rusisë, Indisë dhe Kinës që të ringjallen bisedimet për statusin e Kosovës, theksoi se tani "nuk ka për çfarë të bisedohet përveç për marrëdhëniet e ardhshme të Serbisë së pavarur dhe Kosovës së pavarur". "Megjithatë nuk besoj se qëndrimet e këtyre vendeve do të kishin ndikim të madh në Perëndim, por nëse do të ketë, kjo mund të ndikojë në ndarjen eventuale të Kosovës, ashtu që pjesët me shumicë popullsie serbe të mbeten në kuadër të Serbisë. Për këtë edhe më mund të bisedohet, me gjithë qëndrimin e fortë të Perëndimit për këtë çështje, kryesisht për shkak të jogatishmërisë së të disa vendeve që të njohin pavarësinë e Kosovës", tha Carpenter.

 

 

 

 

 

                                

• 
                                                            Lajme nga Bota

• Ekzekutohen dy shqiptarë në Athinë

• 
  
  Mbrëmë rreth orës 23, Athina është terrorizuar nga breshëritë e kallashnikovit, prej të cilëve humbën jetën 2 shqiptarë dhe një rumun. Sipas burimeve të policisë helene, tre personat e vrarë ndodheshin në një bar, kur një makinë e mbërritur aty pranë ka shkrehur armën automatike duke i lënë të vdekur.
  
  Policia e konsideron ngjarjen si një larje hesapesh mes grupesh rivale. Ndërkaq, është mësuar emri i vetëm një prej viktimave, 24 vjeçarit, F.L nga Mirdita, ndërsa për shtetasin tjetër nuk dihet ende asgjë.
  
  Lajmit i është bërë një jehonë e madhe në mediat greke./gazetastart

• Tërmet në Kinë, të paktën 900 të vdekur
  
  
  Të paktën 900 nxënës mendohet të jenë varrosur për së gjalli, në rrënojat e dy shkollave fillore në provincën kineze, Sichuan pasi një tërmet i fortë goditi rajonin.
  
  Agjencia e lajmeve Hsinhua, bëri të ditur se qindra të tjerë janë plagosur, ndërkohë që numri i viktimave nga tërmeti katastrofik mund të jetë më i madh. Autoritetet, deri tani kanë të listuar vetëm 6 persona të vdekur, ndërkohë që nuk ka konfirmim për fatin e shumë njerëzve dhe dëmeve në rajon. Autoritetet dhe skuadrat e shpëtimit po kontaktojnë me zonat, rrugët dhe linjat telefonike e të cilave u ndërprenë pas rënies së tërmetit. Lëkundjet u regjistruan me fuqi 7.5 ballë në provincën Sishuan, më pak se 100 kilometra nga kryeqyteti provincial Çengdu. Tërmeti u ndje në pjesën më të madhe të Kinës si dhe deri në Bangkok të Tajlandës, rreth 3 300 kilometra larg, ku ndërtesat e qeverisë u lëkundën për disa minuta.
  
  

• Austriakja mbyllet 24 vjet në bodrum

  • VJENË - Në Austri është lajmëruar të dielën një rast ekstrem i incestit. Në lidhje me rastin në fjalë policia ka njoftuar se është arrestuar një njeri 73-vjeçar i cili dyshohet se e ka mbajtur 24 vjet të mbyllur vajzën e vet, vajzë kjo e cila tashmë është 42-vjeçare. Ai njeri me vajzën e vet Elisabeth F. do t'i ketë krijuar shtatë fëmijë.
    Sipas policisë atyre iu ka vdekur një fëmijë. Ndërsa fëmijët e tjerë sillen prej moshës pesë deri në moshën njëzet vjeçare. Pra, sipas zyrës së shtypit të Austrisë (APA) këtu bëhet fjalë për tre djem dhe tri vajza.
    Mësohet se më pas definitivisht duhet të bëhet hulumtimi i DNA-së për të vërtetuar se a janë krijuar ata fëmijë nga keqpërdorimi i gruas nga babai i tyre.
    Çështja në ecje e sipër
    Kjo çështje ishte hapur në momentin kur një vajzë njëzet vjeçare shumë e sëmurë ishte pranuar në spitalin e Amstettenit, spital ky ndërmjet Vjenës dhe Linzit.
    Eksiton mundësia që ajo të jetë njëra nga fëmijët e cila ka lindur si pasojë e keqpërdorimit. Ngase mjekët nuk mundnin ta dinin se çka e mundonte pacienten, mu për atë spitali edhe kishte kërkuar që të lajmërohet nëna e asaj vajze të humbur.
    Kështu që më pas kishte filluar edhe policia ta kërkojë atë grua. Tashmë ajo grua është gjetur ku njëkohësisht edhe bëhet me dije se asaj si dhe fëmijëve të saj iu ka afruar ndihma profesionale.
    Letra
    Në shtëpinë e 73-vjeçarit Josef F., në vendin ku paramendohet se vajza e vogël e tij njëzetvjeçare është gjetur jashtë vetëdijes, është gjetur edhe një letër e nënës 42-vjeçe.
    Teksti tek autoritetet kishte zgjuar kureshtje. "Mos më kërkoni, sepse do të jetë një gjë e palogjikshme e cila vuajtjen time dhe të fëmijëve të mi do ta keqësojë edhe më shumë."
    Çrregullimi
    Sipas policisë Elisabeth F. përgjatë deklaratës se vet kishte shfaqur një presion shumë të çrregullt psikik, poashtu dhe një gjendje të keqe fizike.
    Pas një bisede të gjatë të cilën policia e kishte zhvilluar me të, kur policia e kishte siguruar atë se ajo më nuk do të ketë kontakt me të atin e saj si dhe do të ketë përkujdesje për fëmijët e saj, atëherë 42-vjeçarja më në fund kishte dashur të rrëfejë se çka i ka ndodhur asaj.
    Keqpërdorimi
    Ajo e kishte njoftuar policinë se ajo qysh nga mosha njëmbëdhjetë vjeçare ishte keqtrajtuar në mënyrë seksuale nga i ati i saj. Në gusht të vitit 1984 Josef F. duke e ndjell do ta kishte shti vajzën e vet në bodrum ku dhe ja kishte lidhur duart.
    Sipas dëshmisë së saj ajo grua është keqtrajtuar në vitet në vazhdim nga ati i saj . "Shpjegimet e gruas janë shumë për tu besuar", thotë Gerhard Sedlacek, një punëtor nga Ministria Publike.
    Fëmijët
    Mendohet se nga keqpërdorimi seksual duhen të kenë lindur që të shtatë fëmijët, prej të cilëve një kishte vdekur. Tre prej fëmijëve ishin rritur dhe kishin vazhduar shkollimin nga familjari - incesttisti 73-vjeçar si dhe nga gruaja e tij. Familjarëve njeriu në fjalë do t'iu ketë thënë se ai ata fëmijë i ka adaptuar.
    Tre fëmijët e tjerë së bashku me nënën e tyre i kishte mbyllur në bodrum. Rosemarie F., gruaja e 73-vjeçarit, tha se ajo nuk ishte fare në dijeni për fëmijët e mbyllur që kishin qenë në bodrum.
    Kampusch
    Para një viti e gjysmë Austria ishte tronditur nga tregimi i Natascha Kampuschit, një vajzë e cila më vitin 1988 në moshën dhjetë vjeçare ishte zhdukur dhe më vitin 2006 kishte arritur të lirohet nga kidnapuesi.
    Kampuschi nga kidnapuesi i saj, i cili pas ikjes kishte bërë vetëvrasje, ishte mbajtur e lidhur në një dhomë nën një tarracë. Pas kidnapimit të Kampuschit Parlamenti Austriak ka pas vendosur bërjen e një ankete parlamentare.

    
    

   

   

   

   

   

  Për më shumë informata mund të vizitoni faqet e më poshtme:
  http://www.lajmet.com/     
  http://www.lajmpress.com/
  http://www.setimes.com/cocoon/setimes/xhtml/sq/homepage/default